Au unterem Joor findsch do e baar Zyyle zu aggduelle Eraignis!
Dr neyschti Väärs findisch immer z'ooberscht. Vyyl Spass! ;-)

Kategorien WM Flash | Sunnschtigi Väärs | Alli Väärs aazaige

S'Radio Basilisk sändet jetzt vom Määrtplatz
Sii, y find‘s e tolli Sach,
Macht s Radio Basilisk jetzt näb‘ em Roothuus Grach.
So kenne si sich mässe, vo moorge frieh bis zoobe spoot,
Wäär dr greesser Schissdrägg uselooht!

Dr Fahneklau gääge Sion
Wäg däm Fahneklau bim Spiil FCB-Sitte,
Duen y d FCB-Fans inständig bitte:
Kennt me em Odermatt nit au siini Fahne mugge?
Denn wuurdi dä ändligg wieder emoll alkohoolfreys schlugge!

Itaalie isch nit an dr WM 2018
E Tipp, wenn hyt Zoobe bim Pizzaiolo
E Pizza bschtellsch, wo zu Dir soll hai khoo
Mach jo kai Witz, das isch mi Bitt
Zem Bischbyyl, ob‘s als Dessert Schweedetorte git
Denn soone Spruch duet sich aktuell nit loohne
... und usserdäm waiss dä, wo di Huus duet woohne!

Wicky und die stargge Männer
Am Donnschtig wird‘s staue: händ Geduld!
Do draa sinn d’Gaschtarbeiter schuld!
Uff dr Baustell schafft nur e Schwyzer - villicht au zwai,
...will d‘Portugiese blyybe nach em 0:5 sicher alli dehai!

E gfeerlige Uffdraag
Y ha mi Job als Journalist noch eme Daag kündet,
und em Chef das mit dr Angscht begründet:
Die Uffgoob haig mer fascht ain gää:
"Interview dr Constatin!"

Dr ney Trainer vo GC
Zem Muri als neie Trainer vo GeCee,
Han y fir d Ziircher e gueti und e schlächti Noochricht zem iibergee:
Die Gueti: mit däm khasch wieder dr Leader jaage,
Die Schlächti: si miesse bald au no si glai Brueder erdraage!

Gehe zu Seite 1 | 2 | 3 | 4 | 5

© by Giftspritzi
www.giftspritzi.ch