Au unterem Joor findsch do e baar Zyyle zu aggduelle Eraignis!
Dr neyschti Väärs findisch immer z'ooberscht. Vyyl Spass! ;-)

Kategorien WM Flash | Sunnschtigi Väärs | Alli Väärs aazaige

Wicky und die stargge Männer
Am Donnschtig wird‘s staue: händ Geduld!
Do draa sinn d’Gaschtarbeiter schuld!
Uff dr Baustell schafft nur e Schwyzer - villicht au zwai,
...will d‘Portugiese blyybe nach em 0:5 sicher alli dehai!

E gfeerlige Uffdraag
Y ha mi Job als Journalist noch eme Daag kündet,
und em Chef das mit dr Angscht begründet:
Die Uffgoob haig mer fascht ain gää:
"Interview dr Constatin!"

Dr ney Trainer vo GC
Zem Muri als neie Trainer vo GeCee,
Han y fir d Ziircher e gueti und e schlächti Noochricht zem iibergee:
Die Gueti: mit däm khasch wieder dr Leader jaage,
Die Schlächti: si miesse bald au no si glai Brueder erdraage!

D' Wält isch am spinne!
Y ha miiner glaine Dochter, will’s fascht nyt koschtet,
Zem Kindergaarte-Aafang e Ragete-Glacé boschtet.
Jetzt han y aber schiss und hoff, ass es sich nit bewäährt,
Dass dr Trump oder dr Kim iihre dr Krieg erkläärt!

Frieh iebt sich!
S‘ wird in Biel - und das isch woor!
E Maiteli schwanger – mit numme 12 Joor!
Dr Zyyger haig schyyns au dr Gaischt vomene Teenie,
Scho stoht im BLICK: dr Hakan Yakin bykunnt e Bambini!

Gipfeldräffe in Hamburg
In Hamburg an däm Gipfelidräffe wiete die dümmschte Chaote,
S' isch e Schand was deert abgoht, wäg suttigne Idiote!
Mi Grosi lüttet mer ah, s'wird im N24 driiber brichtet,
Und si haig jetzt au grad scho zwai vellig entstellti Opfer gsichtet.
Y zapp drii und sag "Grosi du kunnsch nit druss!
Das isch dr Trump und d Merkel - die sehn immer so uss!"

Gehe zu Seite 1 | 2 | 3 | 4

© by Giftspritzi
www.giftspritzi.ch