Väärs-Laboor

Dr Adler-Jubel vo dr Nati
GIFTSPRITZI‘S WM-FLASH:

E Schwoob maint: „was macht der Xhaka hier?
Jetzt zeigt der das deutsche Wappentier!“
Dä Adler fliegt bi de Dytsche momentaan eher dief als hooch,
Drum legg ych dääne e Wappetier-Wäggsel nooch!
Wie wäärs miteme Krokodil? Das bringt sicher Glygg - allefalls,
Allewyyl d‘Schnuure wytt offe - aber s‘Wasser bis zem Hals!

Schwyz - Brasilie: 1-1
GIFTSPRITZI’S WM-FLASH:

Drotz Määntig bin ych super druff,
Y straahl - es macht mi gar nüt muff.
Wie han ych gescht au glitte in de letschte Minute?
Ha gfieberet und ghofft, ass si richtig guet schutte!
Dr Schlusspfiff - d‘Erlöösig - lägg, wie bin ych froo:
... sinn d’ Schwoobe nid no zem Ussglyych kho!

D' Basler am Säggsilytte
Liebi Ziircher

Das Gedrängg isch unser Stolz – s’ Ueli Bier
Gschmagglig top, kai Pfütze – halt „ein Bier von hier“.
Will mir jo dr Gaschtkantoon sinn, bim Schneemaaverbrenne,
Sottet ihr emool ains brobiere – und d’Meegligkait nit verpenne!
S’basst zu allem - ebb zu Gschnätzlet’s oder au zu Dööner,
Villicht bassiere jo Wunder…
und eyer Dialäggt deent uff ai Schlugg vyyl sympathischer und schööner!

S' halbe SRF bim FCSG
D‘Transferperiode vom FC St. Galle,
duet em Schwyzer Färnseeh gar nit gfalle!
Näbscht em Hüppi und em Sutter, wo si an sich binde,
Hoole si als Vertaidiger dr Epiney - dä macht denn Drugg vo hinde!

#metoo au im Bundeshuus!
Dr Santiglaus isch z‘Bäärn go s‘Bundeshuus bsueche,
Zem d‘Lyt deert e weeneli go z’loobe und au iiber si z’flueche,
Do paggt är siini Ruete uss, ganz banaal,
Und scho hänn die e wittere Sex-Skandaal!

S'Radio Basilisk sändet jetzt vom Määrtplatz
Sii, y find‘s e tolli Sach,
Macht s Radio Basilisk jetzt näb‘ em Roothuus Grach.
So kenne si sich mässe, vo moorge frieh bis zoobe spoot,
Wäär dr greesser Schissdrägg uselooht!


Diese Nachrichten werden verwaltet �ber 1atools.eu