Au unterem Joor findsch do e baar Zyyle zu aggduelle Eraignis!
Dr neyschti Väärs findisch immer z'ooberscht. Vyyl Spass! ;-)

Kategorien WM Flash | Sunnschtigi Väärs | Alli Väärs aazaige

Wiehnachtsgriess 2018
S'Joor, das isch scho bald verbyy,
Drum lohn'ych s'Dichte jetzt lo syy.
Y ha doch dänggt, hejoo das wäärs,
E allerletschte Wiehnachtsväärs.
Und mecht all miini Abonnänte griesse,
Wo miini Väärs duur s'Joor erdrääge miesse.
Härzligge Dangg fir s'Abonniere,
Ohni Eych wuurd das Väärs-Laboor nit exischtiere!
Scheeni Feschtdääg und e guete Rutsch -ganz fyyn
Bis in's Joor zwai-null-ains-nyyn!

PS:
Und suechsch jetzt no e Gschänggidee,
Denn hool JETZT no Di Billijee!
Fir dr Schlussoobe vo dr BSG:
D'Spritzi wird me deert au gsee!
Bilijee unter: www.schnitzelbangg.ch

Eyri Giftspritzi

Mondfinsternis
Die Finsternis isch scho e Bracht - rot und hell,
Aber waiss ebber, was dä wissi Liechtpunggt sell?
S‘isch nit dr Mars oder dr E.T., wo das Ereignis au mecht gniesse,
S‘isch dr Wicky wo si uff e Mond dien schiesse!

Vive la France!
GIFTSPRITZI‘S (letschte) WM-FLASH

Das wäär’s: mi WM-Flash isch jetzt passé,
E tolle Fuessball hänn mer deerfe gsee!
Vo mir uss deerfti’s noone Moonet mit dääre WM wytter goo,
Y ha drum grad die letschte Resultat vom FC Basel vernoo...??

Doppelbürger
GIFTSPRITZI‘S WM-FLASH:

Bi dr Debatte, ebb Doppelbürger derbyy deerfe syy,
Do schaltet sich uss Dytschland dr Rainer Calmund yy.
Das wääri e Katastrophe und me wuurd iiber Lyyche,
Wenn me in dr Schwiz dä guet Doppelbürger wurd stryyche!
Jetzt het aber, dä nit ganz lyychti Maa,
Anstatt „Doppelbürger“ dummerwyys „Doppel-Burger“ verstande gha!

Dr Neymar muess pagge
GIFTSPRITZI‘S WM-FLASH:

Ass d‘Brasiliaaner hänn miesse goo,
Macht insgehaim dr Neymar froo!
Dehaim khan är nämmlig in Rueh, ohni ai Goal z‘kassiere,
Sich witterhiin fir d‘Breakdance-WM yytrainiere!

Heja Sverige!
GIFTSPRITZI‘S WM-FLASH:

Z’vorderscht: SOCKERSÖT, GRADVIS, KRYDDNEJLIKA
In dr Mitti: VILJESTARK, MACKAPÄR, FÖRÄDLA
Denn kunnt LILLHÖJDEN, HEMNES, SALLADSKÄLL,
TÖRNVIKEN und am ganz am Schluss no HATTEFJÄLL
Dasch‘ nit d’Uffstellig vo de Schweede – numme kai Soorge!
Dasch‘ dr Kassebeleeg vo mim IKEA-Bsuech hyt Moorge.

Gehe zu Seite 1 | 2 | 3 | 4 | 5

© by Giftspritzi
www.giftspritzi.ch