Au unterem Joor findsch do e baar Zyyle zu aggduelle Eraignis!
Dr neyschti Väärs findisch immer z'ooberscht. Vyyl Spass! ;-)

Kategorien WM Flash | Sunnschtigi Väärs | Alli Väärs aazaige

Wiehnachtsgriess 2018
S'Joor, das isch scho bald verbyy,
Drum lohn'ych s'Dichte jetzt lo syy.
Y ha doch dänggt, hejoo das wäärs,
E allerletschte Wiehnachtsväärs.
Und mecht all miini Abonnänte griesse,
Wo miini Väärs duur s'Joor erdrääge miesse.
Härzligge Dangg fir s'Abonniere,
Ohni Eych wuurd das Väärs-Laboor nit exischtiere!
Scheeni Feschtdääg und e guete Rutsch -ganz fyyn
Bis in's Joor zwai-null-ains-nyyn!

PS:
Und suechsch jetzt no e Gschänggidee,
Denn hool JETZT no Di Billijee!
Fir dr Schlussoobe vo dr BSG:
D'Spritzi wird me deert au gsee!
Bilijee unter: www.schnitzelbangg.ch

Eyri Giftspritzi

Mondfinsternis
Die Finsternis isch scho e Bracht - rot und hell,
Aber waiss ebber, was dä wissi Liechtpunggt sell?
S‘isch nit dr Mars oder dr E.T., wo das Ereignis au mecht gniesse,
S‘isch dr Wicky wo si uff e Mond dien schiesse!

D' Basler am Säggsilytte
Liebi Ziircher

Das Gedrängg isch unser Stolz – s’ Ueli Bier
Gschmagglig top, kai Pfütze – halt „ein Bier von hier“.
Will mir jo dr Gaschtkantoon sinn, bim Schneemaaverbrenne,
Sottet ihr emool ains brobiere – und d’Meegligkait nit verpenne!
S’basst zu allem - ebb zu Gschnätzlet’s oder au zu Dööner,
Villicht bassiere jo Wunder…
und eyer Dialäggt deent uff ai Schlugg vyyl sympathischer und schööner!

S' halbe SRF bim FCSG
D‘Transferperiode vom FC St. Galle,
duet em Schwyzer Färnseeh gar nit gfalle!
Näbscht em Hüppi und em Sutter, wo si an sich binde,
Hoole si als Vertaidiger dr Epiney - dä macht denn Drugg vo hinde!

#metoo au im Bundeshuus!
Dr Santiglaus isch z‘Bäärn go s‘Bundeshuus bsueche,
Zem d‘Lyt deert e weeneli go z’loobe und au iiber si z’flueche,
Do paggt är siini Ruete uss, ganz banaal,
Und scho hänn die e wittere Sex-Skandaal!

S'Radio Basilisk sändet jetzt vom Määrtplatz
Sii, y find‘s e tolli Sach,
Macht s Radio Basilisk jetzt näb‘ em Roothuus Grach.
So kenne si sich mässe, vo moorge frieh bis zoobe spoot,
Wäär dr greesser Schissdrägg uselooht!

Gehe zu Seite 1 | 2 | 3 | 4

© by Giftspritzi
www.giftspritzi.ch