Au unterem Joor findsch do e baar Zyyle zu aggduelle Eraignis!
Dr neyschti Väärs findisch immer z'ooberscht. Vyyl Spass! ;-)

Kategorien WM Flash | Sunnschtigi Väärs | Alli Väärs aazaige

Vive la France!
GIFTSPRITZI‘S (letschte) WM-FLASH

Das wäär’s: mi WM-Flash isch jetzt passé,
E tolle Fuessball hänn mer deerfe gsee!
Vo mir uss deerfti’s noone Moonet mit dääre WM wytter goo,
Y ha drum grad die letschte Resultat vom FC Basel vernoo...??

Doppelbürger
GIFTSPRITZI‘S WM-FLASH:

Bi dr Debatte, ebb Doppelbürger derbyy deerfe syy,
Do schaltet sich uss Dytschland dr Rainer Calmund yy.
Das wääri e Katastrophe und me wuurd iiber Lyyche,
Wenn me in dr Schwiz dä guet Doppelbürger wurd stryyche!
Jetzt het aber, dä nit ganz lyychti Maa,
Anstatt „Doppelbürger“ dummerwyys „Doppel-Burger“ verstande gha!

Dr Neymar muess pagge
GIFTSPRITZI‘S WM-FLASH:

Ass d‘Brasiliaaner hänn miesse goo,
Macht insgehaim dr Neymar froo!
Dehaim khan är nämmlig in Rueh, ohni ai Goal z‘kassiere,
Sich witterhiin fir d‘Breakdance-WM yytrainiere!

Heja Sverige!
GIFTSPRITZI‘S WM-FLASH:

Z’vorderscht: SOCKERSÖT, GRADVIS, KRYDDNEJLIKA
In dr Mitti: VILJESTARK, MACKAPÄR, FÖRÄDLA
Denn kunnt LILLHÖJDEN, HEMNES, SALLADSKÄLL,
TÖRNVIKEN und am ganz am Schluss no HATTEFJÄLL
Dasch‘ nit d’Uffstellig vo de Schweede – numme kai Soorge!
Dasch‘ dr Kassebeleeg vo mim IKEA-Bsuech hyt Moorge.

D‘ Schwoobe sinn dusse
GIFTSPRITZI‘S WM-FLASH:

Hesch e schlächte Daag - muesch nit druurig syy,
Tröscht di und schalt sofort dr dytschi Sänder yy!

Dr Adler-Jubel vo dr Nati
GIFTSPRITZI‘S WM-FLASH:

E Schwoob maint: „was macht der Xhaka hier?
Jetzt zeigt der das deutsche Wappentier!“
Dä Adler fliegt bi de Dytsche momentaan eher dief als hooch,
Drum legg ych dääne e Wappetier-Wäggsel nooch!
Wie wäärs miteme Krokodil? Das bringt sicher Glygg - allefalls,
Allewyyl d‘Schnuure wytt offe - aber s‘Wasser bis zem Hals!

Gehe zu Seite 1 | 2

© by Giftspritzi
www.giftspritzi.ch