Au unterem Joor findsch do e baar Zyyle zu aggduelle Eraignis!
Dr neyschti Väärs findisch immer z'ooberscht. Vyyl Spass! ;-)

Kategorien WM Flash | Sunnschtigi Väärs | Alli Väärs aazaige

S' isch halt nid immer so aifach!
Ähm…öh…ähm …ehm….
Öh…ehm...ehm…..äähm…
Ehm…äh…ööhm…ehhm…ää
Ähm…ähhm…äh…ööö…eee
Ööö…eee..ää…ooo - das isch kai Schrott
So erkläärt uns dr Boris Becker si Bankrott!

Är kha's aifach nit loo syy...
Au e Joor spöter - jä guet, das kha bassiere
Duet dr Löw immer no siini Juweele massiere.
Jetzt het Emmi reagiert und loht d Katz uss em Sagg,
Bald gits d Fäänversion vom "Yogi-Drink" - mit fuulem Eiergschmagg!

Dr FCB-Fischer.... e typische Ziircher!
Es griegt dr FCB-Fischer, näb em Maischter und em Cup - das kha numme däm bassiere:
Noone Mikrowälle als Pokal - zem dr glyych Saich uffzwäärme, wo'ner immer duet parliere!

Die neye Noote
Nach dääre neie 20er Noote, doo han y studiert,
Was wird ys äggscht als näggschts präsentiert?
Mi absolut schlimmscht Szenario,
Dr Blocher hänns uff dr 1000er gnoo.
Doo gäbt‘s fir mi halt nur no ai Nutze:
Y wuurd s erscht Moll mi Arsch mit Nöötli butze!

Dr FC Basel isch Schwyzermaischter
Lueg, wie d'Stadt duet rootblau glänze,
Dr FC Basel duet e zwaite Stäärn ergänze.
Speetischtens jetzt muess dr FC Sion begriffe:
Mer wänn im Cupfinal au nach Stäärne griffe.
Noone glaini Warniig an FCZ - Leader Nati B:
Neggscht Saison wäärdet au iihr gegen uns wieder Stäärndli gsee!

Wo blybbt dr Summer?
Jetzt hänn doch die Ziircher grad no iihre Knallkopf in ere Rekordzyt verjagd,
Aber mit em Winter verdryybe, het’s bis jetzt noonig eso klappt.
Me miessti doch wisse, ass die Ziircher numme blagiere und liege,
Und uns bschysse, bis sich d Brätter dien biege.
Zem Bischbyyl suech y dr Summer scho vergääbe, syt Stunde,
Und au im Ziiri-Gschnätzlets hani no immer kain vo dääne Ziircher gfunde!

Gehe zu Seite 1 | 2 | 3 | 4

© by Giftspritzi
www.giftspritzi.ch